1.QUE SON OS BONOS QR AMARIBEIRA?
O programa de Bonos QR AMARIBEIRA é unha iniciativa do Concello de Ribeira que ten por obxectivo o fortalecemento do sector comercial local e dos establecementos hostaleiros do Concello, estimulando a demanda e reducindo o impacto económico negativo derivado do cesamento e das restricións da actividade comercial e hostaleira, como consecuencia da crise sanitaria ocasionada pola COVID-19, a través dos bonos “AMARIBEIRA” con tecnoloxía QR.
2.COMO FUNCIONAN OS BONOS QR AMARIBEIRA?
Cada usuario disporá dun saldo de 30 € para a realización do desconto nas compras. Ditos descontos serán de 10 € por cada 30 € de compra mínima, ata un máximo de 30 € de desconto por persoa usuaria do bono QR, de maneira que o Concello de Ribeira subvencionará o 33,33% de cada compra.
O importe do bono irase consumindo nas compras de bens e servicios realizadas nos establecementos adheridos ao programa entre o 5 de decembro e o 31 de xaneiro de 2024, ata que se esgote o saldo.
RANGO DE BONOS DESCONTO QR AMARIBEIRA |
Importe mínimo de compra (IVE incluído) | Desconto a aplicar (IVE incluído) |
30€ | 10€ |
60€ | 20€ |
90€ ou mais | 30€ |
3. COMO SOLICITAR MI BONO QR AMARIBEIRA?
Entra na web www.amaribeira.gal e rexístrate indicando os teus datos. Unha vez validada a solicitude, e verificado o requisito de estar empadroado no Concello de Ribeira, poderás descargar o teu bono en formato dixital a través dun código QR.
Se non dispós da tecnoloxía necesaria, deberás solicitalo de maneira presencial na Oficina da CASA DA XUVENTUDE sita na Avda da Constitución en Ribeira.
4. QUEN PODE OBTER OS BONOS QR AMARIBEIRA?
Calquera persoa pode beneficiarse do programa sempre que cumpra estes 2 requisitos:
– Estar empadroado no Concello de Ribeira.
– Ser maior de idade.
5. CANDO PODO EMPREGAR MEU BONO QR?
Tes de prazo entre o 5 de decembro de 2023 e o 31 de xaneiro de 2023. Nese momento o bono QR caduca e perderás o teu saldo ou remanente que no consumiras.
6. COMO TROCO MEU BONO QR AMARIBEIRA?
No momento de pagar deberás presentar o teu bono QR AMARIBEIRA a través da aplicación móbil do programa ou ben en formato papel, para os que non dispoñan de dita tecnoloxía. Segundo o importe total de cada compra ou servizo adquirido, irase descontando o bono segundo o rango establecido para os bonos desconto QR. Podes esgotalo nun solo acto de consumo ou en varios, no mesmo ou en diferentes establecementos adheridos.
7. DONDE PODO COMPRAR CON MEU BONO QR?
No listado de establecementos comerciais e de hostalería adheridos ao programa, que será publicada na web www.amaribeira.gal con seu nome e localización.
Así mesmo, todos lucirán carteis e/ou adhesivos para indicar que alí podes trocar teu bono.
8. QUE OCORRE SE DEVOLVO O QUE COMPREI?
Nese caso, podes aplicar o importe do bono QR a outra compra de prezo igual ou superior, ou ben cambialo por un vale sen caducidade.
Para máis dúbidas,
Concello de Ribeira.
